ప్రముఖులపై ఆరోపణలు చేసిన శ్రీరెడ్డి పై ఫిర్యాదు చేసిన పవన్ కళ్యాణ్!

వాస్తవం ప్రతినిధి: గ‌త కొద్ది రోజులుగా సోష‌ల్ మీడియా వేదికగా,అలానే ప‌లు టీవీ ఛానెల్స్ లోను టాలీవుడ్‌కి సంబంధించిన ప్ర‌ముఖుల‌పై వివాదాస్ప‌ద వ్యాఖ్య‌లు చేస్తున్న శ్రీరెడ్డిపై టాలీవుడ్‌ ఫిల్మ్‌ ఛాంబర్‌ ఆఫ్‌ కామర్స్‌ వ్యవస్థాపకుడు పవన్‌ కల్యాణ్ సీసీఎస్‌ సైబర్‌ క్రైమ్‌ పోలీసులకు ఫిర్యాదు చేసినట్లు తెలుస్తుంది. చిత్ర ప‌రిశ్ర‌మ‌కి చెందిన ప‌లువురు ప్ర‌ముఖుల‌పై అనుచిత వ్యాఖ్య‌లు చేస్తున్న శ్రీరెడ్డిపై చ‌ర్య‌లు తీసుకోవాల‌ని ఫిర్యాదు లో పేర్కొన్నారు. రీసెంట్‌గా శేఖ‌ర్ క‌మ్ముల‌పై ఇన్‌డైరెక్ట్‌గా శ్రిరెడ్డి సంచలన వ్యాఖ్యలు చేసిన సంగతి తెలిసిందే. ఈ నేపధ్యంలో శేఖర్ కమ్ముల సీరియస్ గా స్పందిస్తూ…. పిచ్చిపిచ్చి వేషాలు వేస్తే చట్టపరంగా చర్యలు తీసుకోవలసి వస్తుందని హెచ్చరించారు. ఈ దిగజారుడు చర్య వెనక ఎవరున్నా, వారి ఉద్దేశం ఏమైనా, నేను చెప్పదల్చుకున్నది ఒకటే. ఇది తప్పు, నేరం, అనైతికం. అని అన్నారు. అయితే శేఖర్ వ్యాఖ్యలపై కూడా శ్రీరెడ్డి త‌న వాద‌న గ‌ట్టిగా వినిపించింది. చట్ట ప్రకారం వెళ్తావా? వెళ్లు, నాకేమైనా భయమా? నీవు శేఖర్ కమ్ముల అయితే నాకేంటి, నీ దగ్గర డబ్బులు ఉంటే నాకేంటి?’ అంటూ ప్రశ్నించింది. సినీ పరిశ్రమలో ఉన్న పెద్దలకు ఒకటే చెబుతున్నానని… తాను ఒంటరిని అయినప్పటికీ, తనకు కావాల్సినంత ధైర్యం ఉందని, పోరాడడానికి డబ్బులు అవసరం లేదని, గుండెలో ధైర్యం ఉంటే చాలని తెలిపింది.